Trassg en Halloween

2009-11-19T03:26:00.004+01:00

Trassg embarcóse na aventura de disfrutar de Halloween, atopando estraños collacios nel so camín. Nun tenía mieu, anque les calabaces qu'entamaben arrodialu parecíen-y que podríen cobrar vida en cualquier momentu.

¡Solo rueden llevaes pel vientu!

Pensó y siguió caleyando per aquel estrañu territoriu.

Nun lu detuvo nada, ni los personaxes que colaben al so pasu delantre del cementeriu coles tumbes abriéndose , dexando salir un blanquecín fumu qu'entamó enllenar el paisaxe.

Nun lu asustaron ni los esqueletos colgando de les abandonaes cases de les qu'adulces llegaben dellos soníos, raros,misteriosos.

Llegó hasta una puerte de cristal arrodiada de calaveres y ensin pensalo muncho golpeó coles rames que llevaba na mano aquella superficie.¿Hai daquién ehí? ¿Puedo entrar?

Nadie contestó,un fríu silenciu percorrió 'l requexu . Solo escuchaba los ruidos del so cuerpu, de la so respiración confundiéndose colo qu'abultaben xemíos, llantos, pallabres de súplica. ¿Ruidos reales o imaxinarios? ¿Yera too frutu de la so imaxinación o había daqué detrás d'aquella puerte?

De repente la puerte rompió y Trassg cayó enriba d'una mesa con dellos oxetos repartíos pela so superficie. Veles, frascos con estraños conteníos.Too indicaba qu'ellí se facíen peligrosos ritos.

Y entós sí, nun lo pensó muncho y entamó correr tolo que les dos pequeñes piernes-y permitíen.Corrió ensin mirar p'atrás,notando qu'aquella maxa negra-y robara los sos poderes , dempués de sentir como se-y desvanecíen.Desapareicieran desque entamara'l so camín per aquel territoriu onde quixo celebrar Halloween.

Corrió hasta chocar con una paré, buscó una salida.Nada. Una alta fila de vitrines-y lo impidía. Calaveres, esqueletos, coraes, cuerpos disecaos,arrugaos lu arrodiaron engolaos nes estanteríes qu'abultaben cobrar vida ,intentando garralu.

Hasta que por fin se dió cuenta y echó una carcaxada que resonó en caún de los güesos de los esqueletos qu'enllenaben el cuartu.

D'aquellos esqueletos colgaben etiquetes que si nun principu pensara que yera'l catálogu d'una mente enferma, sólo yeren eso, etiquetes esplicando la fabricación en China de toos aquellos oxetos y ensin parar de reir recostó'l so cuerpu, apoyándose na fría mano del peculiar collaciu qu'acabara de conocer.

Aventures

Trassg en Halloween